இத்தாலியில் இடம்பெற்ற விபத்தில் மேலும் ஒரு இலங்கையர் உயிரிழந்துள்ளார்.
கடந்த 21 ஆம் திகதி ரோம் தலைநகர் கொர்னேலியா பகுதியில் இரவு இடம்பெற்ற விபத்தில் இலங்கை இளைஞர் ஒருவர் உயிரிழந்துள்ளார்.
ரோம் நகரில் வசிக்கும் மன்னகே மார்கோ என்ற 25 வயதுடைய இளைஞனே உயிரிழந்துள்ளார் என அடையாளம் காண்பட்டுள்ளார்.
அன்றைய தினம் இரவு தனது நண்பர்கள் குழுவைச் சந்தித்துக் கொண்டிருந்த நிலையில் இந்த சம்பவம் இடம்பெற்றுள்ளது.
சிறிய மின்சார ஸ்கூட்டரில் சென்றபோது, ரோம், வீதியில் ஓடிக்கொண்டிருந்த சரக்கு வேன் மோதியதில் இந்த விபத்து ஏற்பட்டுள்ளது என போக்குவரத்து பொலிஸார் தெரிவித்தனர்.
உயிரிழந்த இளைஞன் இத்தாலியின் ரோம் தலைநகரில் பிறந்து பெற்றோருடன் வசித்து வந்த இலங்கை பூர்வீகம் கொண்டவராகும்.
விபத்து தொடர்பான மேலதிக விசாரணைகளை ரோம் போக்குவரத்து பொலிஸார் மேற்கொண்டு வருகின்றனர்.
இதேவேளை, இத்தாலியில் கடந்த வாரம் இடம்பெற்ற விபத்தில் இலங்கையர் ஒருவர் உயிரிழந்தமை குறிப்பிடத்தக்கது.
