சிறுவன் ஒருவன் லசித் மாலிங்க போன்று பந்து வீசும் காணொளியொன்று சமூக வலைத்தளங்களில் வேகமாக பரவியிருந்தது.
இதனை அவதானித்த லசித் மாலிங்க இந்த சிறுவனை கண்டுபிடிக்க உதவுமாறு தனது முகநூல் பதிவொன்றில் பொது மக்களிடம் கோரிக்கை விடுத்திருந்தார்.
சிறுவன் தொடர்பான தேடுதலில் வீரவில பகுதியை சேர்ந்த தரம் ஐந்தில் கல்வி கற்கும் தினித் என்ற சிறுவனே இவ்வாறு அடையாளம் காணப்பட்டுள்ளார்.
இந்நிலையில், தினேத் அனுஹஸ் பந்து வீசும் பாணி சிறப்பாக உள்ளமை காரணமாக அவரை தேடியதாக லசித் மாலிங்க மேலும் ஒரு காணொளியினை முகப்புத்தகத்தில் பதிவிட்டு குறிப்பிட்டுள்ளார்.
இந்த சிறுவனை கண்டுப்பிடிக்க உதவிய அனைவருக்கும் நன்றி எனவும், சிறுவன் தொடர்பில் முதல் அடி எடுத்து வைத்துள்ளதாகவும் லசித் மாலிங்க காணொளியில் குறிப்பிட்டுள்ளார்.
மேலும், சிறுவனின் திறமையை பாராட்டி சிறந்த கிரிக்கெட் பயிற்சியாளரிடம் பயிற்சிகளை பெறுவதற்கான வாய்ப்புக்களை பெற்றுத்தரவுள்ளதாகவும்,மற்றுமொரு சிறந்த பாடசாலையில் சேர்க்கவுள்ளதாகவும் கூறியுள்ளார்.
