அத்தியாவசியமான மார்கெய்ன் என்ற மயக்க மருந்து தீர்ந்துவிட்டதால் களுத்துறை நாகொட போதனா வைத்தியசாலையில் உள்ள கர்ப்பிணித் தாய்மார்களை வேறு வைத்தியசாலைகளுக்கு மாற்றுவதுடன் சிசேரியன் சத்திரசிகிச்சைகளை நிறுத்த வேண்டியுள்ளதாக தெரிவிக்கப்படுகிறது.
வைத்தியசாலையில் பதினேழு மார்கெயின் குப்பிகள் மட்டுமே உள்ளதாகவும், அவசர நோயாளிகளுக்குப் பயன்படுத்தினாலும் இரண்டு நாட்களுக்குப் போதாது எனவும் வைத்தியசாலை வைத்தியர்கள் தெரிவிக்கின்றனர்.
மருத்துவமனை மருத்துவர்கள் எடுத்த முடிவுகள் குறித்து மருத்துவமனை பணிப்பாளர் கருணாரத்ன, சுகாதார சேவைகள் பணிப்பாளர் நாயகம் டொக்டர் அசேல குணவர்தனவுக்கு, வைத்தியசாலையின் தற்போதைய நிலை குறித்து தெரிவித்து கடிதம் ஒன்றை அனுப்பியுள்ளார்.
650 கர்ப்பிணித் தாய்மார்கள் பிரசவத்திற்கு அனுமதி
களுத்துறை நாகொட வைத்தியசாலையில் மாதாந்தம் சுமார் 600, 650 கர்ப்பிணித் தாய்மார்கள் பிரசவத்திற்கு அனுமதிக்கப்படுவதாகவும், அவர்களில் 180, 200 பேர் சிசேரியன் மூலம் பிரசவம் செய்வதாகவும் வைத்தியசாலை வைத்தியர்கள் தெரிவித்துள்ளனர்.
தற்போதைய நிலையில் அவசர கர்ப்பிணித் தாய்மார்களுக்கு மாத்திரம் மார்கெய்ன் மயக்க மருந்து வழங்கப்படுவதாகவும் தடுப்பூசி இல்லாததால் நாகொட வைத்தியசாலைக்கு பிரசவத்திற்கு வருபவர்கள் வேறு வைத்தியசாலைகளுக்கு மாற்றப்பட வேண்டியுள்ளதாகவும் அவர்கள் தெரிவித்தனர்.
