கண்டி தலதா மாளிகையில் நடைபெறும் எசல திருவிழாவை முன்னிட்டு இம்மாதம் 25ஆம் திகதி முதல் 30ஆம் திகதி வரை பல விசேட தொடருந்து பயணங்களை நடத்த தொடருந்து திணைக்களம் நடவடிக்கை எடுத்துள்ளது.
கொழும்பு கோட்டை – கண்டி, கண்டி – கொழும்பு கோட்டை, கண்டி – மாத்தளை, கண்டி – நாவலப்பிட்டி மற்றும் கண்டி – பதுளை ஆகிய இடங்களில் இந்த சிறப்பு தொடருந்துகள் இயக்கப்படவுள்ளன.
விசேட தொடருந்து சேவை
அதன்படி, இம்மாதம் 26ஆம் திகதி முதல் 30ஆம் திகதி வரை தினமும் காலை 9.50 மணிக்கு கொழும்பு கோட்டையில் இருந்து கண்டிக்கு ஒரு தொடருந்து புறப்படும்.
மேலும், 26, 27 மற்றும் 30ஆம் திகதிகளில் காலை 6.30 மணிக்கு கொழும்பு கோட்டையில் இருந்து கண்டிக்கு ஒரு தொடருந்து புறப்படும்.
கொழும்பு கோட்டையில் இருந்து ஒரு தொடருந்து இம்மாதம் 25 மற்றும் 29 ஆம் திகதிகளில் மாலை 5.35 மணிக்கு கண்டிக்கு புறப்படும் எனவும் தெரிவிக்கப்பட்டுள்ளது.
