புரட்சிப் பாடகர் சாந்தனின் இறுதிக்கிரியையில் மக்கள் கண்ணீர் வெள்ளத்துடன்..

ஈழத்தின் சிறந்த பாடகரும், நாடகக் கலைஞர் எஸ்.ஜே.சாந்தனின் இறுதிக் கிரியைகள் மக்களின் கண்ணீருக்கு மத்தியில் இடம்பெற்று வருகிறது.

எஸ்.ஜே.சாந்தனின் இறுதிக்கிரியை நிகழ்வுகள் இன்று கிளிநொச்சியிலுள்ள அவரது இல்லத்தில் இடம்பெறுகின்றன.

சிறுநீரக நோயினால் பாதிக்கப்பட்டிருந்த சாந்தன் யாழ். போதனா வைத்தியசாலையில் சிகிச்சை பெற்று வந்த நிலையில் நேற்று முன்தினம் பிற்பகல் அளவில் உயிரிழந்திருந்தார்.

இந்த நிலையில், அவரது பூதவுடல் அஞ்சலிக்காக ஓட்டுமடம் அன்பன் இல்லத்திலும், மாங்குளத்தில் உள்ள அவரது வீட்டிலும் வைக்கப்பட்டு இறுதியாக கிளிநொச்சியிலுள்ள அவரது இல்லத்துக்கு கொண்டு வரப்பட்டிருந்தமை குறிப்பிடத்தக்கது.