இலங்கையில் போலி இணையத்தளத்தினூடாக இடம்பெற்ற மற்றுமொரு நிதி மோசடி அம்பலம்

தபால் திணைக்களத்தின் உத்தியோகபூர்வ இணையத்தளம் போன்று போலியான இணையத்தளம் ஊடாக மேற்கொள்ளப்பட்டு வரும் நிதி மோசடி தொடர்பில் தகவல்கள் வெளியாகியுள்ளன.

தபால் திணைக்களத்தின் தகவல் தொழில்நுட்ப உதவிப் பணிப்பாளர் காயத்ரி பெர்னாண்டோ இதனை தெரிவித்துள்ளார்.

தொடர்பு இலக்கங்கள்
தபால் பொதிகளை வழங்குவதாக தெரிவித்து மக்களிடம் பணம் வசூலிக்கப்பட்டுள்ளமை விசாரணையில் தெரியவந்துள்ளதாகவும் அவர் குறிப்பிட்டுள்ளார்.

இவ்வாறான மோசடி சம்பவங்கள் குறித்து 1950 எனும் இலக்கம் அல்லது 0112 542 104, 0112 334 728 மற்றும் 0112 235978 எனும் தொலைபேசி இலக்கங்களுக்கும் அழைப்பினை ஏற்படுத்தி தகவல்களை வழங்க முடியும் எனவும் அவர் தெரிவித்துள்ளார்.

இந்த சம்பவம் தொடர்பில் பொலிஸ் கணினி குற்றத்தடுப்பு பிரிவினர் விசாரணைகளை முன்னெடுத்து வருவதாகவும் குறிப்பிட்டுள்ளார்.