பல்வேறு பயங்கரவாத நடவடிக்கைகளைத் தடுப்பதற்கான விதிகளை உள்ளடக்கிய புதிய பயங்கரவாத எதிர்ப்பு சட்டமூலத்தை அரசாங்கம் அறிமுகப்படுத்தியுள்ளது.
நீதித்துறை சிறைச்சாலை விவகாரங்கள் மற்றும் அரசியலமைப்பு மறுசீரமைப்பு அமைச்சர் விஜயதாச ராஜபக்சவின் உத்தரவுக்கமைய புதிய வரைவு தொடர்பான வர்த்தமானி அறிவிப்பு நேற்று (16) வெளியிடப்பட்டது.
மேலும் இது தொடர்பாக அவர் கூறுகையில், “பயங்கரவாத எதிர்ப்பு சட்டமூலம் கடந்த மார்ச் 22ஆம் திகதி வர்த்தமானியில் வெளியிடப்பட்டது. ஆனால் சட்டமூலத்தின் சில பிரிவுகள் தொடர்பாக பல தரப்பினரும் எதிர்ப்பு தெரிவித்ததால், சட்டமூலத்தில் திருத்தம் செய்ய அரசு நடவடிக்கை எடுத்தது.
மனு தாக்கல்
பல தரப்பினரின் கருத்துக்களை உள்வாங்கி புதிய வரைவு தயாரிக்கப்பட்டுள்ளது, அசல் சட்டத்தில் இருந்த குறைபாடுகள் புதிய சட்டத்தில் சரி செய்யப்பட்டுள்ளது.
அதேவேளை, பயங்கரவாதத் தடைச் சட்டமூலம் நாடாளுமன்றத்தில் முதல் வாசிப்பின் பின்னர் அதற்கு எதிராக ஆட்சேபனைகள் இருப்பின் உச்ச நீதிமன்றில் மனு தாக்கல் செய்ய முடியும்” என்றார்.
