அநுராதபுரத்தில் இடம்பெற்ற விபத்தில் நயினாதீவு மாணவன் பலி

அநுராதபுரம் பகுதியில் இடம்பெற்ற மோட்டார் சைக்கிள் விபத்தில் ரஜரட்ட பல்கலைக்கழக மாணவன் ஒருவர் உயிரிழந்துள்ளார்.

யாழ்ப்பாணம் நயினாதீவைச் சேர்ந்த தவகுலரத்தினம் ரகுராம் (வயது – 24) எனும் மாணவனே உயிரிழந்து உள்ளதாகத் தெரிவிக்கப்படுகின்றது.

சக மாணவனுடன் மோட்டார் சைக்கிளில் பயணித்துக்கொண்டிருந்த வேளையில் அபாயகரமான வீதி வளைவொன்றில் மோட்டார் சைக்கிளை திருப்ப முற்பட்ட வேளை, வேகக் கட்டுப்பாட்டை இழந்து விபத்துக்கு உள்ளானதாக தெரிவிக்கப்படுகின்றது.

குறித்த விபத்து சம்பவத்தில் படுகாயமடைந்த மற்றுமொரு மாணவன் ஆபத்தான நிலையில் அநுராதபுரம் வைத்தியசாலையில் சிகிச்சைக்காக அனுமதிக்கப்பட்டுள்ளார்.