யாழில் பெருமளவான கசிப்புடன் பெண் கைது

யாழ். சுன்னாகம் பொலிஸ் பிரிவிற்குட்பட்ட பகுதியில் பொலிஸார் மேற்கொண்ட சுற்றிவளைப்பில் கசிப்பு விற்பனையில் ஈடுபட்ட பெண்ணொருவர் கைது செய்யப்பட்டுள்ளார்.

குறித்த பெண் நேற்றைய தினம் (24.12.2023) ஏழாலை தெற்கு, மயிலங்காடு பகுதியில் வைத்து கைது செய்யப்பட்டுள்ளார்.

பொலிஸ் விசாரணை
இதன்போது மேற்கொண்ட சுற்றிவளைப்பில் 19 ஆயிரத்து ஐநூறு மில்லிலீட்டர் கசிப்பு பொலிஸாரால் மீட்கப்பட்டுள்ளது.

இவ்வாறு கைது செய்யப்பட்ட 34 வயதுடைய சந்தேகநபரிடம் மேலதிக விசாரணைகளை மேற்கொண்ட பின்னர் அவரை மல்லாகம் நீதிமன்றத்தில் முற்படுத்துவதற்கான நடவடிக்கைகளை பொலிஸார் மேற்கொண்டு வருகின்றனர்.