கடந்த நாட்களாக தங்கத்தின் விலை மிகவும் அதிகரித்து வந்த நிலையில், தற்போதுசில தினங்களாக குறைந்துள்ளமை மக்களிடையே பெரும் மகிழ்ச்சியினை உண்டுபண்ணியுள்ளது.
இன்று சவரனுக்கு 80 ரூபாய் குறைந்துள்ளது. நேற்றைய தினத்தில் கிராம் ரூ.5,870ஆகவும், சவரன், ரூ.46,960 ஆக இருந்தமை குறிப்பிடத்தக்கது .
இந்நிலையில் சென்னையில் இன்று 22 காரட் தங்கம் விலை கிராமுக்கு ரூ.10 குறைந்து, 5,860 ரூபாயாகவும், சவரனுக்கு ரூபாய் 80 குறைந்து, ரூபாய் 46 ஆயிரத்து 880 ஆக சரிவடைந்துள்ளது.
சென்ற வாரங்களில் 47 ஆயிரத்தை தொட்ட தங்கத்தின் விலை தற்போது சில நாட்களாக வெகுவாக குறைந்தமை பாமர மக்களிடையே மகிழ்ச்சியினை ஏற்படுத்தியுள்ளது.
அடுத்து வரும் நாட்களில் தங்கம் விலை மேலும் குறைவதற்கு வாய்ப்புள்ளதா என்ற கேள்வியும் மக்களிடையே அதிகரித்துள்ளது .
இருப்பினும் வெள்ளியின் விலையில் எந்த மாற்றமும் இல்லை. இன்று கிராமுக்கு ரூ.78.00 ஆகவும், கிலோவிற்கு ரூ.78,000 ஆகவும் விற்பனை செய்யப்பட்டு வருகின்றது.
தற்போது தங்கத்தின் விலை சற்று குறைந்து வந்தாலும் 8 மாதங்களுக்கு முன்பு 43 ஆயிரத்தில் தங்கமும், 75 ஆயிரம் வெள்ளியும் இருந்து வந்தது.
