ஈரான் சார்பு ஹவுதி போராளிகளின் தாக்குதல் நடவடிக்கைகளுக்கு எதிராக செங்கடல்
பகுதியில் இலங்கை கடற்படையின் கப்பலை நிலைநிறுத்துவதற்கு
தீர்மானம் எடுக்கப்பட்டுள்ளதாக ஜனாதிபதி ரணில் விக்ரமசிங்க அறிவித்துள்ளார்.
இன்று (04.01.204) கொழும்பில் இடம்பெற்ற நிகழ்வு ஒன்றின் கலந்து கொண்டு உரையாற்றுகையிலேயே அவர் இவவாறு தெரிவித்துள்ளார்.
செங்கடலில் ஈரான் ஆதரவு ஹவுதி போராளிகள் நடத்திய தாக்குதல்கள் குறித்து
சர்வதேச கப்பல் நிறுவனங்களிடையே அச்சம் அதிகரித்து வரும் நிலையில் இந்த முடிவு
எடுக்கப்பட்டுள்ளதாக தெரிவிக்கப்படுகிறது
இந்த தாக்குதல்களின் மூலம், ஹமாஸக்கு ஆதரவாக இஸ்ரேலின் இராணுவ நடவடிக்கைக்கு தாம்
பதிலடி கொடுக்கபோவதாக ஹவுதி போராளிகள் தெரிவித்துள்ளனர்.
ஆயினும் செங்கடலில் ஏற்பட்டுள்ள இந்த இடையூறு காரணமாக சரக்கு போக்குவரத்து
செலவுகள் அதிகரித்து, விநியோகம் நேரம் தாமதமாகி வருகிறமை குறிப்பிடத்தக்கதாகும்.
செங்கடல் பகுதியில் கப்பல்கள் மீது ஹவுதிகள் தாக்குதல் நடத்தியதால் கப்பல்
போக்குவரத்து தடைபட்டுள்ளது.
இதனை எதிர்கொள்ள கப்பல்கள் செங்கடலில் செல்லாமல் தென்னாப்பிரிக்காவை சுற்றி
வருவதனால் சரக்கு செலவுகள் அதிகரிக்கும் என்றும் ஜனாதிபதி தெரிவித்துள்ளார் .
