மாலத்தீவு அருகே சக்திவாய்ந்த நிலநடுக்கம்

மாலைதீவில் சக்திவாய்ந்த நிலநடுக்கம் ஏற்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

இந்த நிலநடுக்கம் ரிக்டர் அளவுகோலில் 5.4 ஆக பதிவாகியுள்ளதாக இந்திய தேசிய நிலநடுக்க மையம் தெரிவித்துள்ளது.

மாலத்தீவு தலைநகர் மாலேயில் இருந்து மேற்கே 896 கிலோமீட்டர் தொலைவில் நிலநடுக்கம் ஏற்பட்டது.

இந்த நிலநடுக்கத்தால் ஏற்பட்ட சேதம் குறித்து இதுவரை எந்த தகவலும் இல்லை.
அதே சமயம் ஜப்பானில் கடந்த 1ம் தேதி ஏற்பட்ட சக்திவாய்ந்த நிலநடுக்கத்தில் பலியானோர் எண்ணிக்கை 92 ஆக உயர்ந்துள்ளது.

மீட்புப் பணிகள் தீவிரப்படுத்தப்பட்டுள்ள போதிலும், சேதமடைந்த கட்டிடங்களின் இடிபாடுகளுக்குள் மேலும் பலர் சிக்கியிருக்கலாம் என்ற அச்சம் நிலவி வருவது குறிப்பிடத்தக்கது.