யாழில் முருங்கைக்காயின் விலையில் திடீர் அதிகரிப்பு

நாட்டில் மரக்கறிகளின் விலை அதிகரித்துள்ள நிலையில் யாழ்ப்பாண வாரச்சந்தையில் ஒரு கிலோ முருங்கைக்காயின் சில்லறை விலை 3000 ரூபாவாக அதிகரித்துள்ளதாக மரக்கறி வியாபாரிகள் தெரிவித்துள்ளனர்.

இந்த நாட்களில் முருங்கைக்காய் அறுவடை கிடைக்காததாலும், ஏனைய மரக்கறிகளின் விலைகள் வேகமாக அதிகரித்துள்ளதாலும், முருங்கையின் விலையும் அதிகரித்துள்ளதாக யாழ்ப்பாண வியாபாரிகள் தெரிவிக்கின்றனர்.

இந்த விலைகளின்படி தற்போது யாழ்ப்பாணத்தில் முருங்கைக்காய் ஒன்றின் விலை 1000 ரூபாவாகும்.

இதேவேளை யாழ்ப்பாணத்தில் ஒரு கிலோ முருங்கைக்காயின் மொத்த விலை 2500 ரூபாவாக காணப்படுகின்றது.

இந்நிலையில் யாழ்ப்பாணத்திலிருந்து வேறு மாகாணங்களுக்குச் செல்லும் பேருந்துகளில் முருங்கைக்காய் மூட்டைகள் ஏற்றப்பட்டிருப்பதைாக தெரிவிக்கப்படுகின்றது.