நுவரெலியா பொருளாதார மத்திய நிலையத்தின் வரலாற்றில் முதல் தடவையாக நேற்று (13) ஒரு கிலோ கிராம் கரட் 1000 – 1100 ரூபாவிற்கு இடைப்பட்ட விலையில் விற்பனை செய்யப்பட்டுள்ளதாக தெரிவிக்கப்படுகின்றது.
அத்துடன், நுவரெலியா பிரதேச விவசாயிகளிடம் இருந்து நேற்று ஒரு கிலோகிராம் கரட் 900 ரூபாவிற்கு கொள்வனவு செய்யப்பட்டதாகவும் குறிப்பிடப்படுகின்றது.
இதேவேளை அவ்வாறு பெறப்பட்ட கரட் சரியான தரம் வாய்ந்ததாக இல்லை எனவும் நுவரெலியா பொருளாதார மத்திய நிலையத்தின் மொத்த விற்பனையாளர்கள் தெரிவித்தனர்.
இந்நிலையில் சீன உணவில் பயன்படுத்தப்படும் ப்ரோக்கோலி மற்றும் ஏனைய மரக்கறிகளின் விலை கிலோ ஒன்றுக்கு 7000 ரூபாவாக அதிகரித்துள்ளதாக நுவரெலியா பொருளாதார மத்திய நிலையத்தின் தலைவர் அருண சாந்த ஹெட்டியாராச்சி தெரிவித்துள்ளார்.
லீக்ஸ் மற்றும் பீட்ரூட் 450 – 500 ரூபாய்க்கும், போஞ்சி 750 – 800 ரூபாய்க்கும் விற்பனை செய்யப்படுவதாக விற்பனையாளர்கள் தெரிவித்துள்ளனர்.
இரண்டு வாரங்களுக்கு முன் கரட் விலை மேலும் ஒரு கிலோ கிராம் பச்சை மிளகாய் 1600 ரூபாய்க்கு விற்பனை செய்யப்படுவதாகவும் கூறப்படுகிறது.
இரண்டு வாரங்களுக்கு முன்னர் நுவரெலியா பொருளாதார மத்திய நிலையத்தில் ஒரு கிலோ கிராம் கரட் 350 – 400 ரூபாவிற்கு இடைப்பட்ட விலையில் விற்பனை செய்யப்பட்டுள்ளமை குறிப்பிடத்தக்கது.
