இந்தியாவின் குஜராத்தில் சுற்றுலா படகு கவிழ்ந்து விபத்துக்குள்ளானதில் 14 மாணவர்கள் உட்பட 16 பேர் உயிரிழந்தாக இந்திய செய்திகள் தெரிவிக்கின்றன.
விபத்து சம்பவம் நேற்று (18.1.2023) பிற்பகல் குஜராத் – வதோதரா புகா் பகுதியில் உள்ள ஹா்ணி ஏரியில் இடம்பெற்றுள்ளது.
படகில் 27 மாணவர்கள் பயணம் செய்ததாக தெரிவிக்கப்படும் நிலையில் அவர்களில் யாரும் பாதுகாப்பு ஜெக்கெட் அணியவில்லை என்றும் கூறப்படுகின்றது.
இந்தியாவின் குஜராத் மாநிலத்தின் வதோதரா புகா் பகுதியில் உள்ள ஹா்ணி ஏரிக்கு 4 ஆசிரியா்கள் தலைமையில் 24 பள்ளி மாணவா்கள் சுற்றுலா சென்ற படகு எதிா்பாராதவிதமாக ஏரியில் கவிழ்ந்துள்ளது.
இதனைத்தொடர்ந்து, அப்பகுதியில் இருந்தவா்கள் தீயணைப்புப் படையினர்கள் அங்கு விரைந்து மீட்புப் பணியில் ஈடுபட்டனா்.
இந்த சம்பவத்தில் 14 பள்ளி மாணவா்களும், 2 ஆசிரியா்களும் உயிரிழந்துள்ளனர். ஒரு மாணவா் மட்டும் உயிருடன் மீட்கப்பட்டுள்ளார்.
படகில் 24 மாணவா்கள் வரை இருந்த நிலையில், காணாமல் போன ஏனையவர்களை தேடும் பணி முன்னெடுக்கப்பட்டு வருவதாகவும் தெரிவிக்கப்படுகிறது.
