யாழில் 12 இந்திய கடற்றொழிலாளர்கள் விடுதலை

அத்துமீறி கடற்றொழிலில் ஈடுபட்ட குற்றச்சாட்டில் கைது செய்யப்பட்ட12 இந்திய கடற்றொழிலாளர்கள் நிபந்தனைகளுடன் விடுவிக்கப்பட்டுள்ளனர்.

குறித்த தீர்ப்பானது நேற்று (26.1.2024) யாழ். ஊர்காவற்றுறை நீதிவானால் வழங்கப்பட்டுள்ளது.

கைது செய்யப்பட்ட இந்திய கடற்றொழிலாளர்கள் 12 பேரையும் ஊர்காவற்றுறை நீதிவான் ஜே.கஜநிதிபாலன் முன்னிலையில் யாழ். மாவட்ட கடற்றொழில் திணைக்கள அதிகாரிகள் முன்னிலைப்படுத்தி இருந்தனர்.

கடற்றொழிலாளர்களுக்கு எதிராக முன்வைக்கப்பட்ட மூன்று குற்றச்சாட்டுகளுக்கும் தலா ஆறு மாதங்கள் சிறைத்தண்டனை என்ற ரீதியில் ஐந்து வருடங்களுக்கு ஒத்திவைக்கப்பட்ட 18 மாத சிறைத்தண்டனை விதித்து நீதிவான் உத்தரவிட்டுள்ளார்.