தொடருந்து சிற்றுண்டிச்சாலைகளில் மேற்கொள்ளவுள்ள திடீர் பரிசோதனைகள்

தொடருந்துகளில் அமைக்கப்பட்டுள்ள சிற்றுண்டிச்சாலைகளில் திடீர் பரிசோதனைகளை மேற்கொள்ள தீர்மானித்துள்ளதாக இலங்கை பொது பரிசோதகர்கள் சங்கத்தின் செயலாளர் ஷனக போபிட்டிய தெரிவித்துள்ளார்.

மேலும், மீனகயா தொடருந்தின் சிற்றுண்டிச்சாலை ஆய்வுக்கு உட்படுத்தப்பட்ட போது, சிற்றுண்டிச்சாலை அசுத்தமான முறையில் நடத்தப்படுவதை அவதானித்ததை அடுத்து மேற்படி தீர்மானம் மேற்கொள்ளப்பட்டதாக அவர் கூறியுள்ளார்.

இதனிடையே நீதிமன்ற உத்தரவின் அடிப்படையில் ஆய்வுக்கு உட்படுத்தப்பட்ட மீனகயா தொடருந்து சிற்றுண்டிச்சாலை பெட்டியை தற்காலிகமாக இடைநிறுத்த நடவடிக்கை எடுக்கப்பட்டுள்ளதாகவும் குறிப்பிடப்படுகின்றது.