நடிகர் விஜய் துவங்க இருக்கும் அரசியல் கட்சியின் பெயர் குறித்த தகவல் வெளியாகியுள்ளது.
தமிழ் சினிமாவில் முன்னணி நடிகராக வளம் வருபவர் நடிகர் விஜய், தற்போது Goat படத்தில் நடித்து வருகிறார்.
பட நடிப்பில் ஒரு பக்கம் பிஸியாக இருந்தாலும் விரைவில் அரசியலில் தடம் பதிக்கும் முடிவில் விஜய் இருக்கிறார்.
இந்நிலையில், அதிக மதிப்பெண் வாங்கிய மாணவர்களுக்கு உதவித்தொகை, இரவுநேர பாடசாலை, இலவச சட்ட ஆலோசனை மையம் போன்றவை வழங்கியுள்ளார்.
மேலும், வெள்ளம் பாதித்த நெல்லை மாவட்டங்களில் உதவித்தொகை, பல மாவட்டங்களில் மருந்தகங்கள் என இவரது செயல்பாடுகள் அரசியலை நோக்கியதாகவே இருக்கிறது.
விஜய்யின் மக்கள் இயக்கத்தை அடுத்த ஒரு மாதத்தில் அரசியல் கட்சியாக மாற்ற விஜய் திட்டமிட்டுள்ளதாகவும் அதற்கானப் பணிகள் விரைவில் தொடங்கப்படவுள்ளதாக தகவல்கள் வெளியானது.
இந்நிலையில், வரும் பிப்ரவரி 4-ம் திகதி விஜய் மக்கள் இயக்கத்தை முறைப்படி கட்சியாக பதிவு செய்ய உள்ளதாக தகவல்கள் வெளியாகியுள்ளது.
இதற்கான புஸ்ஸி ஆனந்த் தலைமையிலான நிர்வாகிகள் டெல்லி செல்ல உள்ளனர்.
இந்நிலையில், நடிகர் விஜய் தனது கட்சிக்கு ”தமிழக முன்னேற்றக் கழகம்” என பெயர் வைக்க முடிவு செய்துள்ளதாகத் தகவல் வெளியாகியுள்ளது. விரைவில் இது விஜய் தரப்பால் உறுதிசெய்யப்படும்.
