வவுனியாவில் வீதிகளுக்கு பூட்டு – பலத்த பாதுகாப்புடன் சுதந்திர தின நிகழ்வு

வவுனியாவில் சுதந்திர தின நிகழ்வுகளை முன்னிட்டு இரண்டு வீதிகள் சில மணிநேரங்கள் மூடப்பட்டதாக தெரிவிக்கப்படுகின்றது.

இலங்கையின் 76ஆவது சுதந்திர தின நிகழ்வுகள் வவுனியா நகரசபை மைதானத்தில் இடம்பெற்ற நிலையில் வீதிகள் முடப்பட்டு பாதுகாப்பு பலப்படுத்தப்பட்டுள்ளது.

நகரசபை வீதி , நூலக வீதி ஆகியன காலை 8.30 மணி தொடக்கம் காலை 10.00 மணிவரையிலான காலப்பகுதியில் தற்காலிகமாக மூடப்பட்டது.

சுதந்திர தின நிகழ்வுகள் வவுனியா மாவட்ட செயலர் பி.ஏ.சரத் சந்திர தலைமையில் இடம்பெற்றதுடன், பிரதம அதிதியாக வவுனியா மாவட்ட அபிவிருத்தி குழு தலைவர் குலசிங்கம் திலீபன் கலந்து கொண்டிருந்தார்.