லிட்ரோ எரிவாயு டெர்மினல் லங்கா நிறுவனம் மற்றும் லிட்ரோ எரிவாயு லங்கா கம்பனியின் முன்னாள் தலைவர், பிரதம நிறைவேற்று அதிகாரி லிட்ரோ எரிவாயு லங்கா நிறுவனத்திடமிருந்து பெறப்பட்ட கொடுப்பனவுக்கு மேலதிகமாக, லிட்ரோஎரிவாயு டெர்மினல் லங்கா நிறுவனத்திடமிருந்து மே 2022 வரை மாதாந்தம் 443,000 ரூபா வாகன கொடுப்பனவை பெற்றுள்ளதாக தேசிய கணக்காய்வு அலுவலகம் தெரிவித்துள்ளது.
இந்த வாகன கொடுப்பனவிற்கு சுற்றறிக்கையில் 50000 ரூபாய்க்கு மட்டுமே அனுமதி வழங்கப்பட்டுள்ளது.
மேலும் சுற்றறிக்கையின் படி, 150 லீட்டருக்கு மேலதிகமாக 500லீட்டர் மாதாந்திர எரிபொருள் கொடுப்பனவு முன்னாள் தலைவர் மற்றும் தலைமை நிர்வாக அதிகாரிக்கு வழங்கப்பட்டுள்ளமை தணிக்கை அறிக்கையில் வெளிக்கொண்டவரப்பட்டுள்ளது.
மேலும், நிறுவனத்தின் முன்னாள் தலைவர் மற்றும் செயல் அதிகாரிக்கு 50,000 ரூபாய் மாதாந்திர ஓட்டுநர் கொடுப்பனவும், மாதாந்திர பொழுதுபோக்கு கொடுப்பனவாக 150,000 ரூபாயும் மே 2022 வரை வழங்கப்பட்டதாக கணக்காய்வில் தெரியவந்துள்ளது.
