பொதுவாகவே புரதத்தின் முக்கிய மூலமாக முட்டை காணப்படுகின்றது. முட்டை அனைவருக்கும் பிடித்த, எல்லா காலங்களிலும் பெற்றுக்கொள்ளக்கூடிய ஒரு உணவாகும்.
முட்டை சாப்பிடுவது ஆரோக்கியத்துக்கு நல்லதா ? ஒரு நாளைக்கு எத்தனை முட்டை சாப்பிடலாம் என்பது குறித்து பலருக்கும் குழப்பம் இருக்கும்.
அதுமட்டுமன்றி முட்டையில் அதிகளவில் கால்சியம் இருக்கின்றமையும் இது ஒரு ஆரோக்கியமான உணவு என்பதை அனைவரும் அறிந்திருந்த போதிலும் முட்டையின் மஞ்சள் கருவில் இருக்கும் கொழுப்பு காரணமாக இது மாரடைப்பு அபாயத்தை அதிகரிப்தாக ஒரு கருத்து நிலவுகின்றது.
அமெரிக்க இருதய மருத்துவர்கள் கூட்டமைப்பு 1880 களில் முட்டை சாப்பிடுவதனால் மாரடைப்பு ஏற்படும் அபாயம் இருப்பதாக ஒரு அறிவிப்பை விடுக்கவே மக்கள் மத்தியில் முட்டை தொடர்பில் இந்த அச்சம் ஏற்பட்டது.
ஆனால் அவர்கள் பின்னர் ஆராய்ச்சியின் மூலம் முட்டை சாப்பிடுவதனால் அவ்வாறான அபாயம் ஏதும் இல்லை என தங்களின் ஆராய்ச்சி முடிவுகளை தெரிவித்துவிட்டது. முட்டையில் அடங்கியுள்ள சத்துக்கள் இருப்பினும் இதனால் ஏற்பட்ட அச்சத்தில் இருந்து இன்னும் நம்மில் பலரும் வெளிவரவில்லை.
முட்டையில் 180 மி.கி மாத்திரமே கொழுப்புச்சத்து காணப்படுகின்றது. ஆனால் 6 கிராம் புரதம் நிறைந்துள்ளது. புரதத்தின் பிரதான வளமாகவே முட்டை கருதப்படுகின்றது. சாதாரணமாக ஒரு நபர் நாளென்றுக்கு 2 தொடக்கம் 3 முட்டைகள் வரை சாப்பிடலாம்.
இதயப்பிரச்சினை இருப்பவர்கள் தினமும் முட்டையை சாப்பிட்டு வந்தால் இதய நோய் பாதிப்பு குறையும். முட்டையை மாத்திரம் சாப்பிடுபவர்களுக்கு உடலுக்கு தேவையான அத்தனை சத்துக்களும் கிடைக்கும்.
முட்டையை தினமும் சாப்பிட்டால் பசி குறையும். முட்டையானது உடலில் ஹெச்.டி.எல் எனும் அமிலத்தை அதிகரித்து கொழுப்பைக் கரைக்கும்.
முட்டையானது உடல் எடையைக் குறைக்கிறது அதாவது முட்டையில் குறைவான கலோரிகள் இருப்பதால் உடல் எடையும் குறையும்.
டயட்ல் இருப்பவர்கள் கொலஸ்டிரால் அதிகம் இருப்பவர்கள் வேண்டுமானால் முட்டையில் மஞ்சள் கருவை அதிகம் சாப்பிடுவதை தவிர்க்கலாம். ஆனால் முட்டை ஆரோக்கியத்துக்கு நன்மை பயக்கும் எளிமையான உணவு.
