கேன்ஸ் திரைப்பட விழாவிற்கு கையில் பெரிய கட்டு போட்டு மகள் ஆராத்யாவுடன் வந்துள்ள ஐஸ்வர்யா ராயின் புகைப்படம் வைரலாகி வருகின்றது.
ஐஸ்வர்யா ராய்
உலக அழகி என்ற பட்டத்தை பெற்றதுடன், இருவர் படத்தின் மூலம் தமிழ் சினிமாவில் அறிமுகமானவர் தான் நடிகை ஐஸ்வர்யா ராய்.
தமிழ் சினிமாவைத் தொடர்ந்து பாலிவுட்டில் அதிகமாக கவனம் செலுத்தி வரும் இவர், அங்கு உச்ச நட்சத்திரமாக வலம் வருகின்றார்.
தமிழில் அவர் ஜீன்ஸ், கண்டுகொண்டேன் கண்டுகொண்டேன், ராவணன், பொன்னியின் செல்வன், எந்திரன் உள்ளிட்ட படங்களில் நடித்தார்.
பின்பு சல்மான் கானுடனான காதல் தோல்விக்கு பின்பு அபிஷேக் பச்சனைக் காதலித்து இருவீட்டார் சம்மதத்துடன் கடந்த 2007ம் ஆண்டு திருமணம் செய்து கொண்டதுடன் இந்த தம்பதிகளுக்கு ஆராத்யா என்ற மகளும் உள்ளார்.
கேன்ஸ் திரைப்பட விழா
ஒவ்வொரு வருடமும் பிரான்ஸ் நாட்டில் நடைபெறும் கேன்ஸ் திரைப்பட விழாவில் கலந்து கொள்வதை வழக்கமாக வைத்துள்ளார் ஐஸ்வர்யா ராய்.
இந்நிலையில் கடந்த 14ம் தேதி தொடங்கப்பட்ட கேன்ஸ் திரைப்பட விழாவிற்கு மகள் ஆராத்யாவுடன் கலந்து கொண்டுள்ளார்.
ஆனால் கையில் பெரிய கட்டு போட்டு வந்துள்ளது அதிர்ச்சியை ஏற்படுத்தியுள்ளது. ஐஸ்வர்யா ராய் கடந்த 20 ஆண்டுகளாக இந்நிகழ்வில் கலந்து கொண்டு, வித்தியாசமான உடைகளுடன் மேடையை அலங்கரித்து வருகின்றார்.
மே 14ம் தேதி தொடங்கப்பட்ட இவ்விழா மே 25ம் தேதி வரை நடைபெற உள்ளது. ஐஸ்வர்யா ராய் கையில் கட்டோடு இந்நிகழ்ச்சியில் கலந்து கொள்வாரா என்ற கேள்வியும், எதிர்பார்ப்பும் ரசிகர்களிடையே அதிகரித்துள்ளது.
