குருணாகலில் உள்ள கும்பக்வெவ பகுதியில் இடம்பெற்ற மோட்டார் சைக்கள் விபத்தில் இளைஞன் ஒருவர் உயிரிழந்திருப்பதாக தெரிவிக்கப்பட்டுள்ளது.
இந்த விபத்து நேற்றையதினம் (27-10-2024) பிற்பகல் கும்புக்கெடே- பன்னெக்கம நெலவ வீதியில் இடம்பெற்றுள்ளதாக பொலிஸார் தெரிவித்தனர்.
குறித்த சம்பவத்தில் நெரியாவ – கும்புக்கெடே பகுதியைச் சேர்ந்த 19 வயதுடைய இளைஞனே உயிரிழந்திருப்பதாக தெரிவிக்கப்பட்டுள்ளது.
சம்பவம் தொடர்பில் மேலும் தெரியவருவதாவது,
பன்னெக்கம இருந்து நெலவ நோக்கி பயணித்த மோட்டார் சைக்கிள் மற்றும் எதிர் திசையில் வந்த மற்றுமொரு மோட்டார் சைக்கிள் நேருக்கு நேர் மோதியதில் இந்த விபத்து சம்பவித்துள்ளது.
குறித்த விபத்தில் மோட்டார் சைக்கிளை ஓட்டிச்சென்ற இருவர், பின்னால் சென்ற இருவர் மற்றும் இரண்டு சிறுவர்கள் படுகாயமடைந்து ஹிரிபிட்டிய வைத்தியசாலையில் அனுமதிக்கப்பட்டு சிகிச்சை பெற்று வந்த நிலையில், மோட்டார் சைக்கிளை ஓட்டிச் சென்ற ஒருவர் சிகிச்சை பலனின்றி உயிரிழந்துள்ளார்.
