பொதுவாக வாழ்க்கையில் திருமணம் என்பது மிக முக்கியமான ஒன்று.
சில ஜாதகத்தின் படி அவர்கள் என்னதான் முயற்சி செய்தாலும் முதல் திருமணம் அவர்களுக்கு வெற்றி கரமாக அமைவதில்லை.
அவர்கள் என்ன தான் முயற்சி செய்தாலும், நல்ல முறையில் நடந்து கொண்டாலும் கிரக சூழ்நிலை அவர்களை இரண்டாம் திருமணம் நோக்கி கொண்டு செல்கின்றன. இவை நாம் பொதுவாக அவர்களின் ராசியை வைத்தும் கணித்து விடலாம்.
அப்படியாயின் ஜோதிடத்தின் அடிப்படையில் எந்த ராசிக்காரர்களுக்கு இரண்டாவது திருமண அமையும் என பதிவில் பார்க்கலாம்.
2ஆவது திருமணத்திற்கு வாய்ப்புள்ள ராசிகள்
1. தனுசு ராசி
தனுசு ராசியில் பிறந்தவர்கள் ஒரு சுதந்திர பறவை போன்றவர்கள் இவர்கள் கட்டுப்பாட்டில் வைக்க முடியாது. மாறாக இவர்கள் விரும்பி தனிமையில் வாழும் குணம் கொண்டவர்கள். மற்ற ராசியினரை விட இவர்கள் வீட்டில் சுதந்திரமாக நடந்திருப்பார்கள். இதனால் திருமண வாழ்க்கையில் பெரிதாக ஈடுபாடு காட்டமாட்டார்கள். எனவே இந்த ராசியில் பிறந்த ஆண் பெண் அவர்கள் யாரை திருமணம் செய்தாலும் அவர்களை சுதந்திரமாக விடுவது தான் எமது வாழ்க்கைக்கு நல்லது.
2. ரிஷப ராசி
ரிஷப ராசியில் பிறந்தவர்கள் துணையிடமிருந்து மிகுந்த மரியாதையை எதிர்பார்ப்பார்கள். இவர்களின் வாழ்க்கையில் அப்படி அமையாத பட்சத்தில் அவர்களை விட்டு விலகி விடுவார்கள். ரிஷப ராசியில் பிறந்தவர்கள் அவர்களின் முதல் துணையிடமிருந்து பிரிவதற்கு அதிக வாய்ப்பு உள்ளது. துணையின் விருப்பத்தை புரிந்து நடந்து கொள்வது அவசியம்.
3. விருச்சிக ராசி
விருச்சிக ராசிக்காரர்கள் சுயநலவாதிகளாக இருப்பார்கள். எதிர் தரப்பினர் நடந்து கொள்வதை வைத்து தான் அவர்கள் பிறருக்கு மரியாதையை கொடுப்பார்கள். விருச்சிக ராசிகாரர்கள் உணர்வுகளை பூர்த்தி செய்வது மிகவும் கடினம். ஆதலால் அது பூர்த்தி ஆகவில்லை என்றால் மிகவும் எளிதாக அவர்கள் உறவை முடித்து கொள்ள விரும்புவார்கள்.
