தற்போது இருக்கும் மக்கள் சூழ்நிலையில் பலரும் வெளியே சென்று வேலை செய்வதில் ஆர்வமாக உள்ளனர். வெளியே செல்லும்போது, மாசுபாடு, வலுவான சூரிய ஒளி மற்றும் தீங்கு விளைவிக்கும் கூறுகள் சருமத்தை சேதப்படுத்தும்.
இதன் காரணமாக, இளம் வயதிலேயே உங்கள் தோலில் வயதான அறிகுறிகளும் புள்ளிகளும் தோன்றத் தொடங்குகின்றன. இதை தவிர இன்னும் சில பிரச்சனைகள் தோன்றுகின்றன.
இதனால் உங்கள் சருமத்தை பளபளப்பாகவும், கறையற்றதாகவும் மாற்ற சரும பராமரிப்பு செய்வது அவசியம்.
ரசாயனப் பொருட்களுக்குப் பதிலாக உங்கள் சருமத்தைப் பளபளப்பாக்க வீட்டு வைத்தியத்தை நாடவது நல்லது. அதுபோல ஒரு வீட்டு வைத்தியத்தை பற்றி தான் இந்த பதிவில் பார்க்கப்போகின்றோம்.
சருமத்தை பாதுகாக்கும் தேங்காய் எண்ணைய்
தேங்காய் எண்ணெயில் ஆக்ஸிஜனேற்ற, பூஞ்சை எதிர்ப்பு மற்றும் பாக்டீரியா எதிர்ப்பு பண்புகள் உள்ளன. அவை சருமத்திற்கு ஊட்டச்சத்து மற்றும் நீரேற்றத்தை வழங்குகின்றன.
தேங்காய் எண்ணெயில் கடலை மாவு, தயிர் மற்றும் மஞ்சள் சேர்த்து கலந்து பயன்படுத்தலாம். இரவில் தூங்குவதற்கு முன் இந்தக் கலவையை உங்கள் முகத்தில் தடவினால் சருமம் மென்மையாக மாறுவது மட்டுமல்லாமல், இயற்கையான பளபளப்பையும் தரும்.
நீங்கள் ஒரு பாத்திரத்தில் தேங்காய் எண்ணெயை எடுத்து அதில் தயிரை நன்கு கலக்க வேண்டும். இப்போது இந்தக் கலவையை உங்கள் முகம் மற்றும் கழுத்தில் தடவி விட வேண்டும்.
தேங்காய் எண்ணெய் சருமத்தில் நன்கு உறிஞ்சப்படும் வரை உங்கள் கைகளால் நன்றாக மசாஜ் செய்யவும்.
இரவு முழுவதும் இப்படியே விட்டுவிட்டு, காலையில் எழுந்தவுடன், உங்கள் முகத்தை தண்ணீரில் கழுவவும். இப்படி வாரத்தில் நான்கு தடவை செய்து வந்தால் முகம் பளிச்சென்று மாறும்.
