ஒருநாள் கிரிக்கெட் தர வரிசையில் கோலி 3-வது இடம்

ஒருநாள் கிரிக்கெட் போட்டியின் அடிப்படையில் வீரர்களின் தர வரிசைப்பட்டியலை சர்வதேச கிரிக்கெட் கவுன்சில் நேற்று வெளியிட்டுள்ளது.

இதன்படி பேட்ஸ்மேன் தர வரிசையில் தென்ஆப்பிரிக்க வீரர் டிவில்லியர்ஸ் (875 புள்ளிகள்), ஆஸ்திரேலிய வீரர் டேவிட் வார்னர் (871 புள்ளிகள்) ஆகியோர் முறையே முதல் 2 இடங்களில் தொடருகின்றனர். இந்திய அணி கேப்டன் விராட்கோலி (852 புள்ளிகள்) 3-வது இடத்தில் நீடிக்கிறார்.

இந்திய வீரர்கள் ரோகித் சர்மா 12-வது இடத்திலும், டோனி 13-வது இடத்திலும் தொடருகின்றனர். பந்து வீச்சு தர வரிசையில் தென்ஆப்பிரிக்க வீரர் இம்ரான் தாஹிர் முதலிடத்தில் தொடருகிறார். இந்திய வீரர் அக்‌ஷர் பட்டேல் 11-வது இடம் பிடித்துள்ளார்.

ஆல்-ரவுண்டர் தர வரிசையில் வங்காளதேச வீரர் ஷகிப் அல்-ஹசன் முதலிடத்தை தக்கவைத்துள்ளார். இந்திய வீரர் ரவீந்திர ஜடேஜா 10-வது இடத்தில் உள்ளார்.