ஜனாதிபதி மைத்திரி ரஷ்யாவிற்கு உத்தியோகபூர்வ பயணம்

இலங்கை ஜனாதிபதி மைத்திரிபால சிறிசேன இந்த மாதத்தின் இறுதி வாரமளவில் ரஷ்யாவுக்கு உத்தியோகபூர்வ விஜயமொன்றை மேற்கொள்ள உள்ளார்.

இருநாட்டு உறவுகளை மேம்படுத்தும் முகமாக மேற்கொள்ளும் விஜயத்தின் போது சுகாதாரம், கல்வி மற்றும் பாதுகாப்பு உள்ளிட்ட துறைகளின் முக்கிய விடையங்கள் குறித்து அந்நாட்டு தலைவர்கள் மற்றும் அதிகாரிகளுடன் முக்கிய பேச்சுவார்த்தையும் நடத்தப்படவுள்ளது.

ரஷ்ய ஜனாதிபதி விளாடிமிர் புட்டின் மைத்திரிபால சிறிசேனவினை ரஷ்யாவிற்கு வருமாறு அழைப்பு விடுத்திருந்தமையினை தொடர்ந்து இந்த விஜயம் அமைந்துள்ளது.

அத்துடன் யுத்தத்திற்கு பின்னர் ஐ.நா மனித உரிமை ஆணைக்குழு உட்பட பல சிக்கலான சந்தர்ப்பங்களில் ரஷ்யா இலங்கைக்கு பக்கபலமாகவும், ஆதரவாகவும் செயற்பட்டு வந்திருந்தமை குறிப்பிடத்தக்கது.