வெண்டைக்காய் – ஓமம் மோர்க் குழம்பு

தேவையான பொருட்கள் :

வெண்டைக்காய் – 10,
சிறிது புளிப்பு உள்ள மோர் – அரை லிட்டர்,
ஓமம் – 2 டீஸ்பூன்,
காய்ந்த மிளகாய் – 2,
தேங்காய் துருவல் – கால் கப்,
கடுகு – சிறிதளவு,
வெந்தயம் – கால் டீஸ்பூன்,
எண்ணெய் – ஒரு டீஸ்பூன்,
உப்பு – தேவையான அளவு.

செய்முறை :

* ஓமம், காய்ந்த மிளகாய், தேங்காய் துருவலை மிக்ஸியில் நைஸாக அரைக்கவும்.

* அரைத்த விழுதை மோருடன் சேர்த்து, தேவையான உப்பு சேர்த்துக் நன்றாக கலந்து கொள்ளவும்.

* வெண்டைக் காயை நீளவாக்கில் சிறு துண்டுகளாக நறுக்கி, எண்ணெய் விட்டு பிரவுன் நிறமாகும் வரை வதக்கவும்.

* இதை மோர் கலவையுடன் கலந்து, லேசாக சூடாக்கி, கொதிக்க ஆரம்பித்த உடன் கடுகு, வெந்தயம் தாளித்துக் கொட்டி இறக்கவும்.

* சூப்பரான வெண்டைக்காய் – ஓமம் மோர்க் குழம்பு ரெடி.