வவுனியா ஆச்சிபுரம் பகுதியில் இடம்பெற்ற வாள் வெட்டு சம்பவங்களின் போது படுகாயமடைந்த இரண்டு பெண்கள் உட்பட ஆறு பேர் வைத்தியசாலையில் அனுமதிக்கப்பட்டுள்ளனர்.
இரு குழுக்களுக்கு இடையில் நேற்று (திங்கட்கிழமை) இடம்பெற்ற இந்த சம்பவம் தொடர்பில் சந்தேகத்தின் பேரில் ஒருவர் கைது செய்யப்பட்டுள்ளதாக பொலிஸார் தெரிவித்துள்ளனர்.
குறித்த பகுதியில் நேற்று இரவு இரு குழுக்களுக்கிடையே கருத்து முரண்பாடு ஏற்பட்டதாகவும் இதையடுத்து, அவர்களை சமாதானப்படுத்தும் நோக்கில் மற்றொரு குழுவினர் அங்கு சென்றபோது ஏற்பட்ட முரண்பாடு பின்னர் கைகலப்பாக மாறியுள்ளது.
இதன்போது இடம்பெற்ற வாள் வெட்டு சம்பவத்தில் சிலர் காயமடைந்துள்ளனர். காயமடைந்தவர்கள் வைத்தியசாலையில் அனுமதிக்கப்பட்டிருந்த போது அங்கு சென்ற குழுவினர், அவர்கள் மீது மீண்டும் வாள் வெட்டுத் தாக்குதலை மேற்கொண்டுள்ளனர். சம்பவம் தொடர்பான மேலதிக விசாரணைகளை வவுனியா பொலிஸார் மேற்கொண்டு வருகின்றனர்
