நான் உன்னை காதலிக்கிறேன்.. நீ? விமானத்திலிருந்து குதித்து சிறுமியிடம் ப்ரபோஸ் செய்த சிறுவன்! -வீடியோ

(5 Apr) லண்டன்: விமானத்தில் இருந்து குதித்து சிறுவன் ஒருவன் தனது காதலை வெளிப்படுத்திய வீடியோ வெளியாகியுள்ளது. நான் உன்னை காதலிக்கிறேன்.. நீ? என கேட்கும் பதாகையை பிடித்தபடி பாராசூட்டுடன் குதித்த சிறுவனை, காதலை ஏற்றுகொள்வதாக கூறி சிறுமி கட்டிப்பிடிக்கும் அந்த வீடியோவை ஏராளமானோர் ரசித்து வருகின்றனர். இங்கிலாந்தைச் சேர்ந்த டை மெயர்ஸ் என்ற சிறுவன் பாட்டார் என்ற சிறுமியை காதலித்து வந்தான். தனது காதலிடம் தனது காதலை வெளிப்படுத்த நினைத்த சிறுவன், விமான சாகசம் செய்யும் மைதானத்துக்கு சிறுமியை வரச்சொன்னான். சிறுமியும் மைதானத்தில் காத்திருந்தாள். அப்போது சிறிய ரக விமானத்தில் இருந்து பாராசூட் உதவியுடன் சிறுவன் குதித்தால்.கைகளில் நான் உன்னை காதலிக்கிறேன்.. நீ என கேள்விக்குறியோடு எழுதப்பட்டிருந்த பதாகையோடு மைதானத்தில் வந்திறங்கினான். இதனை பார்த்து நெகிழ்ந்துப் போன சிறுமி சினிமா ஹீரோயின் போல ஓடி வந்து கட்டிப்பிடித்து சிறுவனின் காதலை ஏற்றுக்கொள்வதாக தெரிவித்தார். சமூக வலைதளங்களில் வைரலாக வலம் வரும் இந்த வீடியோவை ஏராளமானோர் ரசித்து வருகின்றனர்.