நயன்தாரா மட்டும் தான் வேணுமாம்: ஒற்றைக் காலில் நிற்கும் சரவணன்

சரவணா ஸ்டோர் உரிமையாளர் சரவணன், நான் கதாநாயகனாக நடிக்கும் முதல் படத்தில் நயன்தாராதான் என் ஜோடி என்று அதிரடியாக கூறியுள்ளார். சென்னை சரவணா ஸ்டோர் உரிமையாளர் சரவணன். இவர் சமீபகாலமாக சரவணா ஸ்டோர் விளம்பரத்தில் நடிப்பது அனைவரும் அறிந்ததே. இவர் முன்னணி நடிகைகளான ஹன்சிகா, தமன்னாவுடன் சரவணா ஸ்டோர் நிறுவனத்தின் உரிமையாளர் சரவணன் தோன்றி நடித்த விளம்பரங்கள் பலரிடத்திலும் பெரும் விமர்சனங்கள் எழுந்தது. புதிதாக தொடங்கப்பட்ட நிறுவனங்களின் ஆரம்ப விழா தொடங்கி, தீபாவளி, பொங்கல், கோடைக்கால விளம்பரம் வரை அனைத்து விளம்பரங்களிலும் இவரே விளம்பர மாடலாக நடித்து வருகிறார். இந்நிலையில், இவருக்கு சினிமாவில் நடிக்கவேண்டும் என்ற ஆசை தற்போது மனதில் தொற்றிக் கொண்டது. விரைவில் சினிமாவில் நடிக்கவுள்ளதாகவும், தான் கதாநாயகனாக நடித்தால் முதல் படமே நயன்தாராவுக்கு ஜோடியாக நடிப்பேன் என்று அதிரடியாக கூறியுள்ளார். சரவணா ஸ்டோர் உரிமையாளர் சரவணன் இன்று திருச்செந்தூர் முருகன் கோவிலுக்கு சுவாமி தரிசனத்துக்கு வந்தார். முருகனுக்கு சிறப்பு பூஜை செய்து ரூ.1 கோடி மதிப்பிலான தங்க வேல் ஒன்றை காணிக்கையாக வழங்கினார். பின்னர் செய்தியாளர்களிடம் அவர் பேசும்போது, நான் திரையுலகில் முதல்படமாக நயன்தாராவுடன் நடித்து கால்பதிப்பேன் என்று கூறியுள்ளார்.