ஏறாவூர் – அளவ்வை பகுதியில் இன்று அதிகாலை 04 மணியளவில் இடம்பெற்ற வாகன விபத்தில் ஒருவர் பலியாகியுள்ளதுடன் மூவர் படுகாயமடைந்துள்ளனர்.
குறித்த சம்பவத்தில் முச்சக்கரவண்டிச் சாரதி ஸ்தலத்திலேயே உயிரிழந்துள்ளதுடன் முச்சக்கர வண்டியில் பயணித்த மூவர் படுகாயமடைந்த நிலையில் குருநாகல் வைத்தியசாலையில் அனுமதிக்கப்பட்டுள்ளனர்.
விடுமுறைப் பயணத்தில் இவர்கள் கடந்த 16 ஆம் திகதி ஏறாவூரில் இருந்து கொழும்பு நோக்கி செல்லும் வழியில் அளவ்வை பகுதியில் வைத்து வீதியில் நிறுத்தி வைக்கப்பட்டிருந்த டிப்பர் வாகனத்துடன் முச்சக்கர வண்டி மோதியதில் இந்த விபத்து சம்பவித்துள்ளதாக பொலிஸார் குறிப்பிட்டுள்ளனர்.
அத்துடன், ஏறாவூர் வாளியப்பா தைக்கா வீதியைச் சேர்ந்த முச்சக்கரவண்டிச் சாரதியான எம்.எச்.முஹம்மட் முஸம்மில் (வயது 44) என்பவர் ஸ்தலத்திலே பலியானதாக அளவ்வை பொலிஸார் தெரிவித்துள்ளனர்.
இந்த விபத்தில், முச்சக்கர வண்டியில் பயணம் செய்த ஏறாவூர் காதியார் வீதியைச் சேர்ந்த முஹம்மட் நழீம், முஹம்மட் உவைஸ், இவருடைய மனைவி ஆகியோர் படுகாயங்களுக்கு உள்ளாகியுள்ளனர்.
இதேவேளை, உடற்கூற்றுப் பரிசோதனைக்காக வறகாபொல வைத்தியசாலையில் வைக்கப்பட்டுள்ள முச்சக்கரவண்டிச் சாரதியின் சடலம் விசாரணைகளின் பின்னர் உறவினர்களிடம் ஒப்படைக்கப்படும் என பொலிஸார் கூறியுள்ளனர்.
மேலும், சம்பவம் தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.
