கிளிநொச்சி இரத்தினபுரம் சந்திக்கு அருகாமையில் கடந்த இரவு உழவு இயந்திரத்துடன் மோட்டர் சைக்கிள் ஒன்று மோதுண்டதில் மோட்டர் சைக்கிளில் வந்தவர் சம்பவ இடத்திலேயே பலியாகி உள்ளார்.
குறித்த சம்பவம் தொடர்பில் தெரிய வருவதாவது, இரத்தினபுரம் சந்திக்கு அருகாமையில் உள்ள வாகன திருத்தகத்தில் இருந்து திருவையாறு நோக்கி செல்ல முற்பட்ட உழவு இயந்திரத்துடன் திருவையாறு பக்கத்தில் இருந்து கிளிநொச்சி நோக்கி சென்று கொண்டிருந்த மோட்டார் சைக்கிள் மோதுண்டதிலேயே மோட்டார் சைக்கிள் சாரதி சம்பவ இடத்திலேயே பலியாகியுள்ளார்
விபத்து சம்பந்தமான மேலதிக விசாரணைகளை கிளிநொச்சிப் பொலிஸார் மேற்கொண்டு வருகின்றனர்.
குறித்த விபத்தில் உயிர் இழந்தவரது சடலம் கிளிநொச்சி பொது வைத்தியசாலையில் வைக்கப்பட்டுள்ள நிலையிலும் நள்ளிரவு வரையில் அடையாளம் காணப்படவில்லை என்று அங்கிருந்து கிடைக்கும் தகவல்கள் தெரிவிக்கின்றன.
