தமிழ்நாட்டில் கணவரின் மது பழக்கத்தால் கணவன் மற்றும் மனைவி இருவரும் தீக்குளித்து தற்கொலை செய்து கொண்டுள்ளது அதிர்ச்சியை ஏற்படுத்தியுள்ளது.
தமிழ்நாட்டின் திருவண்ணாமலை மாவட்டத்தை சேர்ந்தவர் ரஜினி (35) இவர் மனைவி சங்கீதா (31) இவர்களுக்கு மூன்று பிள்ளைகள் உள்ளனர்.
கட்டிட வேலை செய்யும் ரஜினி குடிபழக்கத்துக்கு அடிமையாகியுள்ளார். இதனால் தனக்கு கிடைக்கும் வருமானத்தை வீட்டுக்கு கொடுக்காமல் அதை வைத்து தினமும் மது அருந்தியுள்ளார்.
இதனால் கணவன் மற்றும் மனைவிக்கு இடையே அடிக்கடி தகராறு ஏற்பட்டு வந்தது.
இந்நிலையில், நேற்று முன்தினம் ரஜினி வழக்கம் போல குடித்து விட்டு வந்ததால் அவருக்கும் சங்கீதாவுக்கு இடையே தகராறு ஏற்பட்டுள்ளது.
இதில் விரக்தி அடைந்த சங்கீதா தன் மீது மண்ணெண்ணெய் ஊற்றிக்கொண்டு தீ வைத்து கொள்ள முயன்றார். அப்போது, கணவன் ரஜினியும் தன் மீது மண்ணெண்ணெய் ஊற்றிக் கொண்டு தீ வைத்து கொண்டதாக தெரிகிறது.
இதையடுத்து, தீயில் கருகிய இரண்டு பேரும் அலறினார்கள். இந்த சத்தம் கேட்ட அக்கம் பக்கத்தினர் இருவரையும் மீட்டு அரசு மருத்துவமனையில் சேர்த்தார்கள்.
பின்னர் மேல் சிகிச்சைக்காக சென்னை அரசு மருத்துவமனையில் அவர்கள் சேர்க்கப்பட்டனர். அங்கு சிகிச்சை பலனின்றி இருவரும் பரிதாபமாக இறந்தனர்.
இந்த சம்பவம் குறித்து பொலிசார் வழக்குபதிவு செய்து விசாரணை நடத்தி வருகிறார்கள்.
