பணத்தை உண்டு போராட்டத்தில் ஈடுபட்ட மக்கள்

தஞ்சை – கதிராமங்கலத்தில் இருந்து ஓ.என்.ஜி.சி. நிறுவனம் வெளியேற வேண்டும் எனவும், இதற்காக போராடி சிறையில் அடைக்கப்பட்டுள்ள 10 பேரையும் விடுதலை செய்ய வேண்டும் எனவும் கூறி கதிராமங்கலத்தில் தொடர் காத்திருப்பு போராட்டம் முன்னெடுக்கப்பட்டு வருகின்றது.

தொடர்ந்தும், 18ஆவது நாளாகவும் இன்று குறித்தப் பகுதியில் போராட்டம்  நடத்தப்பட்டு வருகின்றமை குறிப்பிடத்தக்கது.

இதேவேளை, நேற்றைய தினம் கதிராமங்கல கிராம மக்கள், விவசாயம் அழிக்கப்பட்ட பின்னர் பணத்தினையா சாப்பிட முடியும் என்பதை உணர்த்தும் முகமாக, இலைகளில் பணத்தை வைத்து உண்ணும் வகையில் வித்தியாசமான ஆர்ப்பாட்டத்தில் ஈடுபட்டுள்ளனர்.

மேலும் விவசாயம் இன்றி நாடு முன்னேற்றம் அடையாது எனவும் கதிராமங்கல கிராம மக்கள் இதன்போது தெரிவித்துள்ளனர்.