லொறியுடன் பயங்கரமாக மோதி கார் விபத்துக்குள்ளானதில் தாய் மற்றும் அவரின் இரண்டு மகன்கள் உயிரிழந்துள்ளது சோகத்தை ஏற்படுத்தியுள்ளது.
பிரித்தானியாவின் Milton Keynes நகரை சேர்ந்தவர் Paul . இவர் மனைவி Jane Baker-Lockett (43) இவர்களுக்கு James (12) Amy Gaskin (12) மற்றும் 14 வயதில் இன்னொரு மகனும் உள்ளனர்.
இதில் James மற்றும் Amy ஆகியோர் இரட்டையர்கள் ஆவார்கள்.
சம்பவத்தன்று Jane தனது காரில் James மற்றும் Amy-ஐ அழைத்து கொண்டு சென்று கொண்டிருந்தார்.
அவர் கார் பின்னால் வேறு ஒரு காரில் Paul தனது 14 வயது மகனை அழைத்து கொண்டு சாலையில் சென்று கொண்டிருந்தார்.
Jane கார் வேகமாக சென்று கொண்டிருந்த நிலையில் எதிரில் திடீரென வந்த ஒரு லொறி மீது பயங்கரமாக மோதியது.
இந்த கோர விபத்தை பின்னால் காரில் வந்து கொண்டிருந்த Paul பார்த்து அதிர்ச்சியடைந்தார்.
உடனடியாக சம்பவ இடத்துக்கு பொலிசாரும், மீட்பு குழுவினரும் விரைந்தார்கள். ஆனால் விபத்து நடந்த இடத்திலேயே Jane பரிதாபமாக உயிரிழந்தார்.
ஆம்புலன்ஸில் அழைத்து செல்லும் வழியில் Amy-ன் உயிர் பிரிந்தது. மருத்துவமனையில் சேர்க்கப்பட்ட James அங்கு சிகிச்சை பலனின்றி உயிரிழந்தார்.
சம்பவம் நடந்த சாலை தற்காலிகரமாக மூடப்பட்டது. சம்பவம் குறித்து பொலிசார் தீவிர விசாரணை நடத்தி வருகிறார்கள்.
