சூப்பரான சைடிஷ் கத்தரிக்காய் பெப்பர் ஃப்ரை

தேவையான பொருட்கள் :

கத்தரிக்காய் – அரை கிலோ,
மஞ்சள் தூள் – 1/4 டீஸ்பூன்,
மிளகாய் தூள் – 2 டீஸ்பூன்,
மிளகு தூள் – 1 ஸ்பூன்,
உப்பு, கறிவேப்பிலை, எண்ணெய் – தேவைக்கு,
கடுகு – தாளிக்க.

செய்முறை :

கத்தரிக்காயை நீளவாக்கில் வெட்டிக்கொள்ளவும்.

கடாயில் எண்ணெய் ஊற்றி சூடானதும் கடுகு தாளித்த பின் கத்தரிக்காயை சேர்த்து வதக்கவும்.

கத்தரிக்காய் பாதியளவு வெந்தவுடன் அதில் மிளகாய் தூள், மஞ்சள் தூள், மிளகு தூள் உப்பு சேர்த்து நன்கு வேகும்வரை வதக்கவும்.

கத்தரிக்காய் நன்றாக வெந்ததும் கறிவேப்பிலை தூவி இறக்கி பரிமாறவும்.