சிவா இயக்கத்தில் அஜித், காஜல் அகர்வால், அக்ஷரா ஹாசன், விவேக் ஓபராய் ஆகியோர் நடிப்பில் உருவான விவேகம் உலகம் முழுவதும் உள்ள 42 நாடுகளில் 3200க்கும் அதிகமான திரையரங்குகளில் வெளியானது. தமிழகத்தில் மட்டும் 770 திரையரங்குகளில் வெற்றிநடைபோடுகிறது. விவேகம் உலகம் முழுவதும் வசூல் சாதனையை படைத்து வருகின்றது. இந்நிலையில் இப்படத்தின் மீது நெகட்டிவ் விமர்சனங்கள் குவிந்தது.
தற்போது படம் ரூ 100 கோடி பாக்ஸ் ஆபிஸில் இணைந்துள்ளதாக கூறப்படுகின்றது. நான்கு நாட்களில் படம் உலகம் முழுவதும் ரூ. 106 கோடி வசூல் செய்துள்ளது. இப்படம் சென்னையில் 6 நாட்களில் ரூ. 6.75 கோடி வரை வசூலித்துள்ளது. சென்னை பாக்ஸ் ஆபிஸில் இதுவரை 15வது இடத்தில் இருந்த இப்படம் தற்போது 13வது இடத்தை பிடித்துள்ளதாக கூறப்படுகிறது
இந்த நிலையில் சென்னையில் உள்ள பிரபல திரையரங்கில் பாகுபலி படத்தை விட அதிகம் வசூல் செய்தது விவேகம் படம் தானாம்.
இந்த தகவலை திரையரங்க உரிமையாளரே கூறியிருக்கிறார். இந்த தகவல் அஜித் ரசிகர்களுக்கு பெரும் உற்சாகத்தை கொடுத்துள்ளது.
