ரயில் சில்லில் சிக்குண்டு ஒருவர் உயிரிழப்பு: யாழில் சம்பவம்

கொழும்பில் இருந்து யாழ்ப்பாணம் நோக்கிச் சென்ற ரயிலில் இருந்து விழுந்து ஒருவர் உயிரிழந்துள்ளார்.

யாழ்ப்பாணம் புங்கன்குளம் ரயில் நிலையத்தில் இன்று (வியாழக்கிழமை) அதிகாலை 5 மணியளவில் இந்த விபத்துச் சம்பவம் இடம்பெற்றுள்ளது.

ரயில் நிலையத்தில் ரயில் தரிப்பதற்கு முன்பாகவே இறங்குவதற்கு முற்பட்டதால் இந்த அனர்த்தம் நேர்ந்துள்ளது. விபத்தில், ஆசீர்வாதப்பர் வீதிப் பகுதியைச் சேர்ந்த ஆர்.அருள்நேசன் (வயது – 53) என்பவரே உயிரிழந்துள்ளார்.

உயிரிழந்தவரின் சடலம் யாழ்.போதனா வைத்தியசாலையின் பிரேத அறையில் வைக்கப்பட்டுள்ளதுடன், விபத்து தொடர்பான விசாரணைகளை யாழ்ப்பாணம் பொலிஸார் மேற்கொண்டு வருகின்றனர்.