இராணுவச் சிப்பாய் ஒருவர் தன்னைத்தானே சுட்டுத் தற்கொலை!

இலங்கையின் பொலநறுவை மாவட்டம் அரலகங்வில பிரதேசத்தில் உள்ள தம்மின்ன இராணுவ முகாமைச் சேர்ந்த இராணுவச் சிப்பாய் ஒருவர் தற்கொலை செய்து கொண்டுள்ளதாகத் தகவல் கிடைத்துள்ளது.

மேற்படி இராணுவச் சிப்பாய் தனது உத்தியோகபூர்வ துப்பாக்கியினால் தன்னைத் தானே சுட்டுத் தற்கொலை செய்து கொண்டுள்ளதாகவும் இவர் பேராதனை ஹோடியாதெனிய பிரதேசத்தைச் சேர்ந்த 22 வயதான டபிள்யூ.எம். தொடம்வெல எனவும் குறிப்பிடப்பட்டுள்ளது.

உயிரிழந்த படைச் சிப்பாயின் சடலம் அரலகங்வில வைத்தியசாலையில் வைக்கப்பட்டுள்ளதோடு தற்கொலை செய்து கொண்டமைக்கான காரணம் இதுவரை வெளியாகவில்லை.

இந்த சம்பவம் தொடர்பான விசாரணைகளை அரலகங்வில பொலிஸார் மேற்கொண்டுவருகின்றனர்.