தித்திப்பான சம்பா ரவை வெல்ல பாயாசம்

தேவையான பொருட்கள் :

சம்பா ரவை – ஒரு கப்,
துருவிய வெல்லம் – ஒரு கப்,
நெய் – தேவையான அளவு,
தேங்காய் பால் – 1 கப்
ஏலக்காய்த்தூள், சுக்குப்பொடி – தலா கால் டீஸ்பூன்,
முந்திரி, திராட்சை – தேவைக்கேற்ப.

செய்முறை :

2 டேபிள்ஸ்பூன் நெய்யில் முந்திரி, திராட்சையை வறுத்து கொள்ளவும்.

வெல்லத்தைக் கரைத்து வடிகட்டிக் கொள்ளவும்.

சம்பா ரவையை ஒரு டேபிள்ஸ்பூன் நெய் விட்டு வறுத்து, 2 கப் நீர் விட்டு வேகவிடவும்.

ரவை வெந்ததும், வெல்லக் கரைசல் சேர்த்துக் கொதிக்கவிடவும்.

எல்லாம் சேர்ந்து வரும்போது, தேங்காய்ப் பால், ஏலக்காய்த்தூள், சுக்குப்பொடி, முந்திரி, திராட்சையை சேர்த்து இறக்கவும்.

சூப்பரான சம்பா ரவை வெல்ல பாயாசம் ரெடி.