தேசிய கொடியை ஏற்ற மறுத்தால் சிறந்த பாடம் புகட்டப்படும்… வடக்கு மாகாண ஆளுநர்

தேசியக்கொடியை ஏற்றாத விடயத்தில் வடமாகாண கல்வி அமைச்சர் சர்வேஸ்வரனுக்கு எதிராக வழங்கும் தீர்ப்பானது ஏனைய அமைச்சர்கள்,நாடாளுமன்ற உறுப்பினர்களுக்கு பாடமாக அமைய வேண்டும் என வடமாகாண ஆளுநர் ரெஜினோல்ட் குரே தெரிவித்துள்ளார்.

குறித்த விடயம் தொடர்பில் வடமாகாண கல்வி அமைச்சர் மீதான அனைத்து குற்றச்சாட்டுக்களும் சட்டமா அதிபரிடம் சமர்ப்பித்து அவரது ஆலோசனைகளுக்கு அமைய நடவடிக்கை எடுக்கப்படும் எனவும் ஆளுநர் குறிப்பிட்டுள்ளார்.

வவுனியா பிரதேசத்தின் சிங்கள பாடசாலை ஒன்றில் இடம்பெற்ற நிகழ்வில் நேற்றையதினம் (20) பிரதம அதிதியாகக் கலந்துக்கொண்டப் போதே அவர் இவ்வாறு குறிப்பிட்டுள்ளார்.