பாகிஸ்தான் தீவிரவாதிகள் மீது நடவடிக்கை எடுக்காவிட்டால் அமெரிக்கா தாக்குதல் நடத்தும் எச்சரிக்கை !!!

தீவிரவாதிகளின் மீது பாகிஸ்தான் கடும் நடவடிக்கை எடுக்காவிட்டால், தீவிரவாதிகளின் மறைவிடங்களை தாக்கி அழிக்கபோவதாக அமெரிக்கா எச்சரிக்கை விடுத்துள்ளது.

ஆப்கானிஸ்தான் விவகாரத்தில் கடைப்பிடிக்க வேண்டிய கொள்கைகள் குறித்துப் பேச்சு நடத்துவதற்காக அமெரிக்கப் பாதுகாப்பு அமைச்சர் ஜிம் மேட்டிஸ் பாகிஸ்தானுக்குச் சென்றுள்ளார்.

கலிபோர்னியாவின் சிமி பள்ளத்தாக்கில் பேசிய அமெரிக்க உளவுத் துறையான சிஐஏவின் இயக்குநர் மைக் போம்பியோ, பாகிஸ்தானின் பல்வேறு இடங்களில் தீவிரவாதிகள் ஒளிந்துள்ளதாகக் குறிப்பிட்டார்.

அவர்கள் மீது பாகிஸ்தான் நடவடிக்கை எடுக்காவிட்டால், ஆப்கானிஸ்தானில் அமெரிக்கப் படைகள் தாக்குதல் நடத்தியதைப் போல் பாகிஸ்தானிலும் ஊடுருவித் தாக்குதல் நடத்தும் என்று தெரிவித்தார்.