ஆர்.கே. நகர் இடைத்தேர்தல் முதல் சுற்று வாக்கு எண்ணிக்கையின் நிறைவில் சுயேட்சை வேட்பாளர் டி.டி.வி. தினகரன் 5339 வாக்குகள் பெற்று முன்னிலையில் உள்ளார்.
கடந்த 21 ஆம் திகதி நடைபெற்ற குறித்த தேர்தலின் வாக்குகள் எண்ணும் பணி இன்று (ஞாயிற்றுக்கிழமை) காலை முதல் ராணி மேரி கல்லூரியில் ஆரம்பமாகியுள்ளன.
ஆர்.கே நகர்தொகுதி இடைத்தேர்தலில் மொத்தமுள்ள 2 லட்சத்து 28 ஆயிரத்து 234 வாக்காளர்களில் ஒரு லட்சத்து 76 ஆயிரத்து 885 வாக்குகள் பதிவுசெய்யப்பட்டுள்ளது.
மொத்த வாக்குகளின்படி இது 77.5 சதவீத வாக்கு பதிவாகும்.
அதன்படி முதற்சுற்று வாக்கு எண்ணிக்கையில் தற்போதைய நிலவரபப்படி டி.டி.வி தினகரன் 5,339 வாக்குகளும், அ.தி.மு.க 2738 வாக்குகளும், தி.மு.க 1182 வாக்குகளையும், அடுத்தபடியாக நாம் தமிழர் 258 வாக்குகளையும், நோட்டா 122 மற்றும் பா.ஜ.க 66 வாக்குகளையும் பெற்றுக்கொண்டுள்ளது.
