ரொறொன்டோ பெரும்பாகத்திற்கு கனடா சுற்று சூழல் மையம் விடுத்துள்ள எச்சரிக்கை!

ரொறொன்டோ பெரும்பாகம் மற்றும் மாகாணத்தின் பெரும்பகுதிகளில் எதிர்வரும் நாட்களில் கடுமையான குளிர் கால நிலைமை காணப்படும் என கனடா சுற்று சூழல் மையம் தெரிவித்துள்ளது.

அதன்படி இன்று சனிக்கிழமை தொடக்கம் பல இடங்களில் வெப்பநிலை பூச்சியத்திற்கு கீழ் 30ஆக காணப்படும் என எதிர்பார்க்கப்படுவதாக கனடா சுற்று சூழல் அறிவுறுத்தியுள்ளது.

அத்துடன் நேற்று (வெள்ளிக்கிழமை) நகரில் உயர் வெப்பநிலை -17 செல்சியஸ் ஆனால் -32 ஆக உணரப்பட்டதாகவும் இன்று சனிக்கிழமை பகல் -17 செல்சியஸ் ஆனால் இரவில்-19 செல்சியஸ் ஆக வீழ்ச்சி அடையும் எனவும் தெரிவிக்கப்பட்டுள்ளது.

இதனால் எச்சரிக்கை விடுக்கப்பட்டுள்ள பகுதியில் உள்ள மக்கள் மிகவும் பாதுகாப்பாக இருக்குமாறு கனடா சுற்று சூழல் மையம் வேண்டுகோள் விடுத்துள்ளது.