2018ஆம் ஆண்டு ஐ.பி.எல் ஏலத்தில் பங்கேற்க 1,122 பேர் பதிவு!!

ஐ.பி.எல். ஏலத்தில் பங்கேற்பதற்காக முன்னெப்போதும் இல்லாத வகையில் ஆயிரத்து 122 வீரர்கள் பதிவு செய்துள்ளனர்.

11வது ஐ.பி.எல். போட்டிகளுக்கான ஏலம் இம்மாதம் 27 மற்றும் 28ஆகிய தேதிகளில் பெங்களூருவில் நடைபெற உள்ளது.

இதில் பழைய அணியில் நீடிக்காத கவுதம் காம்பீர், யுவராஜ் சிங், அஸ்வின், ஹர்பஜன் சிங், ராகுல், ரஹானே, குல்தீப் யாதவ் ஆகியோர் உள்பட சர்வதேச போட்டிகளில் விளையாடியுள்ள 281 பேர் ஏலத்தில் பங்கேற்கவுள்ளனர்.

உள்ளூர் போட்டிகளில் மட்டுமே விளையாடியுள்ள 838 பேர், இம்மாத இறுதியில் நடக்கும் ஐ.பி.எல். ஏலத்தில் பங்கேற்க விண்ணப்பித்து உள்ளனர்.

மொத்தம் பதிவு செய்யப்பட்டுள்ள ஆயிரத்து 122 பேரில், 778 பேர் இந்திய வீரர்கள் ஆவர். இதில் இங்கிலாந்து கேப்டன் ஜோ ரூட் முதன் முறையாக களம் காண்கிறார்.