முதலமைச்சரால் அதிபர் அச்சுறுத்தப்பட்டமைக்கு ஸ்ரீரீலங்கா சுதந்திர கட்சி கண்டனம்!!

ஊவா மாகாண முதலமைச்சர் சாமர சம்பத் தஸநாயக்க, பதுளை மகளிர் தமிழ் பாடசாலை அதிபரை அச்சுறுத்திய சம்பவத்தை ஸ்ரீரீலங்கா சுதந்திர கட்சி கண்டிப்பதாக அமைச்சர் சுசில் பிரேமஜயந்த தெரிவித்துள்ளார்.

இன்று கொழும்பில் இடம்பெற்ற ஊடகவியலாளர் சந்திப்பிலேயே அமைச்சர் இவ்வாறு தெரிவித்துள்ளார்.

ஊவா மாகாண முதலமைச்சர் சாமர சம்பத் தஸநாயக்க, பதுளை மகளிர் தமிழ் பாடசாலை அதிபரை தனது உத்தியோகபூர்வ இல்லத்திற்கு அழைத்து திட்டி, அச்சுறுத்திய சம்பவம் ஒன்று அண்மையில் இடம்பெற்றது.

இது தொடர்பான விசாரணைகளை தற்போது இலங்கை மனித உரிமைகள் ஆணைக்குழுவும் ஆரம்பித்துள்ளமையும் குறிப்பிட்டுள்ளது.