வவுனியா மாவட்டத்தில் உள்ளூராட்சி சபைத் தேர்தலுக்கான 148 வாக்களிப்பு நிலையங்களுக்கும் உரிய வாக்குப் பெட்டிகள் மாவட்ட செயலகத்தில் இருந்து இன்று அனுப்பி வைக்கப்பட்டுள்ளன.
வவுனியா நகரசபை, வவுனியா தெற்கு தமிழ் பிரதேச சபை, வெண்கல செட்டிகுளம் பிரதேச சபை, வவுனியா வடக்கு பிரதேச சபை, வவுனியா தெற்கு சிங்கள பிரதேச சபை ஆகிய 5 உள்ளூராட்சி மன்றங்களுக்கும் 103 பிரதிநிதிகளை தெரிவு செய்வதற்காக
ஆயிரத்து 43 வேட்பாளர்கள் போட்டியிடுகின்றனர்.
அத்துடன் வவுனியா மாவட்டத்தில் ஒரு இலட்சத்து 14 ஆயிரத்து 599 வாக்காளர்கள் வாக்களிக்க தகுதி பெற்றுள்ளதுடன், அவர்கள் வாக்களிப்பதற்கு உரிய 148 நிலையங்களுக்கும் மாவட்ட செயலகத்தில் இருந்து வாக்கு பெட்டிகள் அனுப்பி வைக்கப்பட்டுள்ளன.
நாளை நடைபெறவுள்ள தேர்தலில் 2000 அரச உத்தியோகத்தர்கள் கடமையில் ஈடுபட்டுள்ளதுடன், 1500 பொலிஸாரும் பாதுகாப்பு கடமையில் ஈடுபடுத்தப்பட்டுள்ளமையும் குறிப்பிடத்தக்கது.
