பிரித்தானியாவில் சீரற்ற காலநிலை: போக்குவரத்து பாதிப்பு

பிரித்தானியாவில் கடந்த சில நாட்களாக தொடர்ச்சியாக காணப்படும் பனிப்பொழிவு காரணமாக வேல்ஸில் 170 பாடசாலைகள் இன்று மூடப்பட்டுள்ளன.

இதேவேளை தென்மேற்கு இங்கிலாந்தின் டேவன் பகுதியிலுள்ள ஏ.30 நெடுஞ்சாலையில் 12இற்கும் மேற்பட்ட வாகனங்கள் பனிப்பொழிவு காணமாக நேற்றிரவு போக்குவரத்து நெரிசலில் சிக்கியதாக பொலிஸார் தெரிவித்துள்ளனர்.

மேலும், கெட்விக் விமானநிலையத்தில் நேற்றிரவு சுமார் 37 விமானப் போக்குவரத்துக்கள் பாதிக்கப்பட்டதாக விமான நிலைய அதிகாரிகள் தெரிவித்துள்ளனர்.

இந்த கடுமையான பனிப்பொழிவைத் தொடர்ந்து தென்மேற்கு இங்கிலாந்தில் விடுவிக்கப்பட்ட வானிலை எச்சரிக்கை நீடிக்கப்பட்டுள்ளமை குறிப்பிடத்தக்கது.