இளம்பெண் ஒருவர் அவரது தோழியுடனான நட்பை முறித்ததால் ஆத்திரமடைந்த அவர் கூலிப்படையைப் ஏவி தனது தோழியின் முகத்தில் ஆசிட் வீசிய சம்பவம் உத்திரபிரதேச மாநிலத்தில் அரங்கேறியுள்ளது.
உத்திரபிரதேச மாநிலம் காசியாபாத்தில் சப்னா என்ற இளம் பெண் ஒருவர் தனியார் நிறுவனத்தில் பணிபுரிந்து வந்துள்ளார்.
குறித்த பெண்ணுடன் அதே பகுதியை சேர்ந்த தீபா என்ற பெண் பணிபுரிந்து வந்த நிலையில் இருவரும் நட்புடன் பழகி வந்துள்ளனர்.
ஒரு கட்டத்தில் தீபா உடனான நட்பை முறித்துக்கொண்டார். இதனால் ஆத்திரமடைந்த தீபா சப்னாவை பழிவாங்க திட்டமிட்டுள்ளார்.
அப்போது சப்னா ஆட்டோவில் சென்றுகொண்டிருந்த போது 2 மர்ம நபர்கள், அவர் மீது ஆசிட் வீசியுள்ளனர்.
25 சதவீத தீக்காயங்களுடன் மருத்துவமனையில் அனுமதிக்கப்பட்டிருக்கும் சப்னாவிற்கு தீவிர சிகிச்சை அளிக்கப்பட்டு வருகிறது.
இதுகுறித்து வழக்கு பதிந்துள்ள பொலிசார் தீபாவையும் மர்ம நபர்களையும் கைது செய்து விசாரணையினை மேற்கொண்டு வருகின்றனர்.
